Спорт-денсаулық.

Дене шынықтыру апталығы ішінде Бастау ауылының №2 жалпы орта білім беру мектебінде  ашық сабақтар мен сайыстар  қызу өтуде. Мысалы, 12.04.2022 ж.  үшінші сыныпта  «Жарыс элементтері бар ойындар»  тақырыпты ашық сабақ жүргізілді. Сабақ мақсаттарына физикалық дамуға ықпал ететін қозғалыс әрекеттерін көрсету, оқушылардың бойында өзіне, құрбысына деген құрмет, жауапкершіліктің қалыптасуы жатты. Сабақ барысында оқушылар қауіпсіздік ережелерді есте сақтап, түрлі ойындар, көңілді жарыстар ішінде  акробатикалық, гимнастикалық дайындықтарын көрсете білді. Екі командаларға бөлініп, эстафеталық жарыс жүргізілді. «Қырандар» командасы «Біз-қыранбыз, біз жылдамбыз!» деп ұран тастады. «Сұңқарлар» да қалыспай «Біз-сұңқармыз! Біз-алдамыз!» деп ұрандады. Қызу жарыста балалар командалық ойын көрсете білді. Негізінде «Бәріміз-біріміз үшін! Біріміз- бәріміз үшін!» деп көтерінкі көңілмен сабақты аяқтады.

Сынып жетекшісі Ербалина С.Н.