Жалпыреспубликалық өзін-өзі тану сағаты.

23 қараша - Жалпыадамзаттық құндылықтар күні. Әрбір адам өмірге адал өмір сүру, адамдарға риясыз қызмет ету, салауатты өмір салтын ұстану, кез келген жағдайда сабырлық сақтап, ақыл-парасатына жүгіну, ешкімге және ешнәрсеге қиянат жасамау  үшін келеді. Бүгін  23  қараша күні Бастау ауылы №2 орта мектебінде  Өзін-өзі тану сағаты өтті. Сынып сағатының тақырыбы: «Жалпыадамзаттық құндылықтар-бақытты өмір негізі». Өзін-өзі тану сағатының мақсаты- «бақытты өмір» ұғымының мән-мағынасын ашу арқылы оқушылардың  жалпыадамзаттық құндылықтар туралы түсініктерін  тереңдету. Даярлық тобынан бастап 10 сыныпқа дейін аталған өзін-өзі тану сағатын сынып жетекшілері өткізді. Мұғалімдер құндылықтар туралы, олардың қасиеттері туралы сөйлесіп, жағдаяттарды шешті. Даярлық тобы мен бастауыш сыныптардың  сынып сағатында  презентация көрсетілді, ал 5-10 сыныптарда құндылықтар туралы бейнероликтер  көрсетілді. Өзін-өзі тану сағатына мұғалімдер мен оқушылар белсене қатысты.

Өзін-өзі тану пәнінің әдістемелік бірлестігінің жетекшісі Тойшубекова А.Т.