Тәрбиені дамытудың қазіргі тенденциялары

Адам тәрбиелеу- ұлы міндет. Ұлы міндет қашаннан да ұлы күреспен ғана жүзеге асырылады. Егемен еліміздің келешегі үшін дені сау,рухы күшті жеке адамды қатарға қосу- жалпы ортақ міндет. Халқымыз қашан да бала тәрбиесіне ерекше мән берген. Тәрбие отбасынан басталады, мұны бір сәт естен шығармауға тиіспіз. Халық педагогикасының басты міндеттерінің бірі- жас ұрпақты шыдамдылық пен ұлтжандылыққа тәрбиелеу. Жаңашыл педагог оқушымен, ата-анасымен, басқа да барлық мұғалімдермен ынтымақтаса жұмыс істеу керек. Оның ішіндегі ең маңыздысы – «жетекші-оқушы» қатынасы, өйткені бұл қатынас оқушының жеке қасиеттерінің қалыптасуына зор ықпал етеді.Балаларды жаман-жақсыға бөлмей, ата-анаға өкпе-арыз айтпай, тәрбиеде балаға бірлесе жәрдем беріп, аяғынан нық тұрғызуға көмектесуге міндеттіміз. Ата-анамен ынтымақтаса үйде де, мектепте де бірдей талап қою керек.